Transcription
1
Monseigneur, nous avons receu presentement à huict heures du
2
matin les pacquet et lettre que nous vous envoyons que monsieur
3
de Colombat nous a envoyées d’Estoile sy tost que fusmes advertis
4
de la surprinse d’Alles. Nous vous en donnasmes advys par
5
la poste ; et bien tost après entendismes la surprinse des
6
lieux de Roynac et du Puy Sainct Martin, de quoy ne vous
7
advertismes pas pource que le sieur de Chatellard partist sur ce
8
poinct, quy nous dist quil vous advertiroyt du tout. Despuis,
9
hyer sur le tard, heusmes quelque advertissement que le sieur
10
de Mombrun avoyt passé par le pont de Bairet, venent en çà
11
avec sinq cens harquebuziers et ce matin, sur les deux heures,
12
noz sentynelles et corps de garde et aussi les rondes, ont
13
entendu le son dune cloche delà la ryvyère. Estans entournés
14
de noz ennemys de toutz coustés, nous vous supplions
15
très humblement dy pourvoyr et nous fère entendre vostre
16
volunté sur laquelle supplions Dieu vous donner,
17
monseigneur, très heureuse et longue vie. De Crest, ce 25 de
18
febvrier 1574.
19
Voz très humbles et très obeyssans serviteurs
20
les consulz de Crest
21
Bovet secret[air]e.